Showing posts with label Kimya. Show all posts
Showing posts with label Kimya. Show all posts

December 6, 2013

Hidrotermal ocaqlar araşdırılacaq

18 nəfərdən ibarət Amerikadan olan tədqiqat qrupu dənizdə sualtı robotları istifadə edərək hidrotermal ocaqları araşdırıb həyatın mənşəyi axtarışlarına başlayacaq. Tünd Enerji Biosfer Təhqiqat Mərkəzi (C-DEBİ) tərəfindən maliyyələşdirilən tədqiqat 4 dekabr tarixindən başlayaraq gələn ilin ilk günlərinə qədər davam edəcək.

Cənubi Kaliforniya Universitetində Yer kürəsi Elmləri və Bioloji Elmlər professoru olan və eyni zamanda Tünd Enerji Biosfer Təhqiqat Mərkəzinin başında duran Jan Amend deyir:


"Bu olduqca həyəcan vericidir, çünki tədqiqat bizə suların böyük miqdarının okean döşəmələrində yavaş şəkildə irəlilədiyi ya da kanallardan sürətli şəkildə axıb getdiyi mövzusunda ətraflı məlumat almağımız üçün köməkçi olacaq." 

Amend tədqiqat gəmisində olmayacaq, amma buna baxmayaraq köməkçi assistent professor Beth Orcutt və Cənubi Kaliforniya Universiteti məzunu Mike Lee tərəfindən hazırlanacaq hesabatlarda bir çox elm adamı ilə birlikdə o da yer alacaq.

Tədqiqat qrupu biri idarə edilən, digəri də sərbəst olan iki ədəd sualtı robot istifadə edəcək. Başçılıq edən Geoff Wheat hesab edir ki, məqsəd yer üzünün ən əhəmiyyətli hissələrindən biri olan dəniz döşəməsi haqqında əhəmiyyətli məlumatlar toplamaqdır. Tədqiqatçı komanda bölgənin 1,000-10,000 litr arasında su tutumuna sahib olacağını təxmin edir.

Wheat deyir:


"Okean döşəməsi okean üçün nəhəng filtr kimidir, okean döşəməsində axan suyun miqdarı, Yer üzərində axan bütün çaylardaki su miqdarına bərabərdir. Suya hansı elementləri qatdığını və sudan nələr çıxardığını öyrənməyimiz lazımdır."

Əlavə olaraq, komanda dəniz döşəməsinin oksigendən məhrum bölgələrində yaşayan mikroblar haqqında daha çox məlumata yiyələnəcəklərinə ümid edir.


"Onların bu cür ucqar yerlərdə necə yaşadıqları haqqında məlumat sahibi olmağa çalışırıq." - Wheat qeyd edir.

Belə tədqiqatlar sayəsində əldə olunan məlumatlar gələcəkdə bir gün Yerdən kənar həyat üçün istifadə edilə biləcək. Digər planetlərdə uc hissələrdəki sərt şərtlərdə həyat ola bilər. Üç həftə davam edəcək tədqiqatla, gündə 24 saat aparılacaq işlər yeni məlumatlara yiyələnməyə kömək olacaq.

Qaynaq: AstroBio , Press Room
daha ətraflı...

November 9, 2013

Həyatın mənşəyində səhvlər deyil, təbii proseslər durur

Canlıların cansız maddələrdən, bir sıra kimyəvi reaksiyalar nəticəsində necə yarandığı hələ də sirr olaraq qalır. Hər nə qədər Yerin ilkin şərtlərində mövcud olan kimyəvi maddələrin nələr olduğundan əmin ola bilməsək də, bu gün mövcud olan biomolekulları araşdıra və 3 milyard il əvvəl nə baş verdiyini təxmin edə bilərik.

İndi isə alimlər, həyatın necə başlamış ola biləcəyini göstərməyə istiqamətli yeni bir biomolekulyar təcrübəyə əl atdılar. Bu gün yaşayan hüceyrələrdəki molekulyar maşınların öz başlarına bir iş etmədiklərini gördülər. Amma bir növ membrana meydana gətirən yağlı kimyəvi məhlulu işin içinə daxil etdikdə, kimyəvi maddələrin girdiyi reaksiyalar həyatın başlanğıcı üçün lazımlı olan, olduqca diqqətə çarpan kimyəvi reaksiyaya olduqca yaxınlaşdı.

Bu cür öz-özünü təşkil etmə həqiqətən təsir edici haldır və bunun necə baş verdiyini anlamaq, Yerdə və həyat ola biləcək digər planetlərdə canlılığın necə başladığını anlamağımıza açar ola bilər.

1987-ci ildə kimya üzrə Nobel mükafatı, kompleks molekulların çox həssas reaksiyaya girə bildiyinin təsdiq edilməsinə görə verilmişdi. Bu molekulların davranışlarından birinə "öz-özünü təşkil etmə" adını veririk və bu, kimyəvi maddələrin üzərlərinə düşən çox sayda qüvvənin təsiriylə bir araya gəlmələri və daha mürəkkəb işləri edə bilən molekulyar maşınlar istehsal etmələri mənasını verir. Hər bir hüceyrə bu maşınlarla doludur.

Roma Tre Universitetindən olan Pasquale Stano və həmkarları bu məlumatı istifadə edərək həyatın başlanğıcını araşdırmağa çalışdılar. İşləri sadələşdirmək üçün zülalları yaradan bir sistemi ələ aldılar. Bu sistem DNT-ni təşkil edən 83 molekuldan meydana gəlirdi və yaşıl fluoressens zülal (YFP) adı verilən xüsusi bir zülalı istehsal etmək üçün proqramlaşdırılmışdı.


Əgər molekullar bir-birlərinə təsir edə biləcək qədər yaxındırsa, yalnız bu vəziyyətdə bu sistem istehsal edə bilir. Sistem su ilə seyrəldilsə, reaksiya da baş verməz. Müasir hüceyrələrin içlərinin çox dar plakalardan meydana gəlməsinin bir səbəbi də budur: həyatın kimyəvi mənşəyinin işini davam etdirə bilməsi...

Bu molekulyar sıxlığı təzədən yarada bilmək üçün Steno, POPC adı verilən bir kimyəvi məhlulu sistemə qatdı və bu sayədə sistemi seyrəltməyə nail oldu. POPC kimi yağlı molekullar su ilə qarışmırlar və su içərisinə oturduqlarında avtomatik olaraq liposomalar adı verilən strukturları meydana gətirirlər. Liposomaların müasir canlıların hüceyrə membralarına olduqca oxşar quruluşu var və ümumiyyətlə hüceyrələrin təkamülünü araşdırmaq üçün istifadə edilir.

Stano'nun Angewandte Chemie adlı jurnalda dərc etdiyi məqaləsinə görə, bu liposomaların bir çoxu bəzi molekulları içində saxlayaraq yeni sistemlər meydana gətirmələrini təmin edir. Lakin maraqlısı budur ki, bu şəkildə hər 1.000 liposomadan 5-də bir zülalı istehsal etmək üçün lazım olan 83 molekulun hamısı iştirak edir. Bu liposomalarda çox miqdarda YFP yaradılmışdır və mikroskop altında yaşıl parıltıları müşahidə edilə bilər.

Kompyuterlə aparılan hesablamalar, bu 1.000 liposomadan 5-in 83 molekulu birdən saxlama ehtimalının praktiki olaraq sıfıra bərabər olduğunu göstərdi. Hətta tək bir liposomanın bu 83 molekulu birdən saxlaması ehtimalı da sıfırdır. Amma liposomaların bu molekulları saxlayaraq YFP istehsal edə biləcək zülalların yarana bilməsi həqiqəti, olduqca qeyri-adi bir hadisənin meydana gəldiyini göstərir.

Stano və həmkarları buna səbəbin nə olduğunu hələlik bilmirlər. Səbəb, əlimizdəki statistik sistemlərin bu təsadüfi müddəti tam modelləşdirə bilməməsi ola bilər və daha yaxşı bir modellə bu proses daha doğru şəkildə hesablana bilər. Bir digər səbəb, bu cür öz-özünü təşkilatlandırmanı bacaran molekulların olduqca təkamülləşmiş olmaları və bu səbəblə bu müddəti reallaşdırmaları ola bilər. Növbəti əhəmiyyətli addım, oxşar, amma daha az mürəkkəb olan sistemlərin də bu xüsusiyyəti təkrar edib-edə bilməyəcəyini göstərməkdir.

Stano'nun bu əhəmiyyətli təcrübəsi, hüceyrələrdəki molekulyar mexanizmlərin meydana gəlməsini təmin edən öz-özünü təşkil etmə prosesinin qaçılmaz və mütləq reallaşan bir fiziki proses olduğunu ilk dəfə göstərən təcrübə oldu. Öz-özünü təşkil etmə prosesinin necə baş verdiyini anlamaq, həyatın cansız maddələrdən necə başlanğıc aldığını anlamaq yolundakı ən böyük addımı atmağımızı təmin edəcək.

Qaynaq: The Conversation
daha ətraflı...

November 6, 2013

Zülalların təkamülünü maraqlandıran yeni tapıntı

Təkamülün əhəmiyyətli, lakin tam təsdiq edilməmiş bir hissəsini araşdıran Scripps Tədqiqat İnstitutundan (SAE) olan elm adamları, əhəmiyyətli bir zülalın yüz milyon illərdir təkcə molekulyar quruluşundakı dəyişikliklər yolu ilə deyil, böyük nisbətdə öz hərəkətlərinin dəyişməsiylə təkamülləşdiyinə dair dəlillər təqdim etdilər. Tapıntı yalnız zülal təkamülü haqqında fikirlər təqdim etməklə kifayətlənmədi, araşdırılan zülalı hədəf alan antibiotiklərin və dərmanların inkişafı üçün də qatqı təmin etdi.

SAE professoru Peter E. Wright deyir:


"Zülallar strukturları və hərəkətləri olan maşınlardır. Biz zülalların struktur dəyişmə yolu ilə təkamülləşdiyini bilirdik, amma zülalların dinamiklərindəki dəyişikliklərlə də təkamülləşdiyini bu günə qədər bilmirdik."


Yeni tədqiqat Nature Structural and Molecular Biology jurnalında 29 sentyabr 2013 tarixində dərc edildi və demək olar ki bütün orqanizmlərdə olan, DNT sintezi üçün çox əhəmiyyətli bir ferment olan DHFR üzərinə icra edildi.


Wright'ın məqsədləri DHFR haqqında daha çox məlumat sahibi olaraq alimlərin bu molekulu daha effektiv şəkildə hədəf ala bilmələri və dərmanlara qarşı daha yaxşı müqavimət göstərmək üçün qatqı təmin etməkdir. 2011-ci ildə Science jurnalında dərc edilən bir təcrübə, Wright və həmkarları məşhur bakteriya olan E. coli'dəki DHFR fermentinin dinamiklərinin katalitik funksiyalar üçün həyati olduğunu göstərdi. Tədqiqatçılar bu yeni irəliləyişdə E. coli və insan DHFR molekullarının dinamiklərini müqayisə və analiz etdilər. Nəticə olaraq, qədim dövrlərdən ayrılmış təkamüllərinə baxmayaraq, insan və bakteriya fermentinin atom səviyyəsindəki strukturlarının çox oxşar qaldıqları müşahidə edildi.

Tədqiqatçılar fermentin bu iki növünün xüsusiyyətlərini təyin etmək üçün X şüası kristalloqrafiyası və nüvə maqnit rezonansı kimi üsullar istifadə etdilər. Həmçinin DHFR molekulunun amin turşusu ardıcıllıqları analiz edildi və müxtəlif şərtlərdə in vitro və hüceyrələrdəki ferment funksiyaları qiymətləndirildi. Bundan başqa fermentin yüksək orqanizmlərə təkamülləşmə yolundakı hadisələri daha yaxşı anlamaq üçün bakteriya və insandan alınan nümunələrlə birlikdə fərqli növlərin də DHFR fermenti nümunələri araşdırıldı.

Tədqiqatın başında duran Gira Bhabha belə deyir:


"Araşdırmağa başladığımızda, dinamiklərin necə fərqli olduqlarının məlum olacağını və fermentlərin atom səviyyəsindəki hərəkətlərində təkamül yolu ola biləcəyini düşünməmişdim.


E.coli'dəki DHFR fermenti bağlandığı molekullara yapışmaq və onları sərbəst buraxmaq üçün aktiv bölgəsindəki elastik amin turşusu toqqalarını istifadə edir. İnsandakı ferment, bakteriyadakıyla müqayisə edilsə, daha zərif, effektiv və təməldə fərqli bir mexanizmlə hərəkət etdiyi aydın olar.

Bhabha deyir:


"İnsandakı fermentin hərəkəti bir istridyə qabığı kimi, aktiv bölgəsinin açılmasını və bağlanmasını təmin edən tvist hərəkətidir."


Bhabha və Wright, E.coli və insan DHFR fermentlərindəki bu təəccüblü fərqliliklərə sahib olan dinamiklərin çox fərqli mühitlərə uyğunlaşmalarla təkamülləşdiyini düşünürlər. Əslində insanın DHFR fermenti hüceyrələrdə işə elə uyğunlaşmışdır ki, tədqiqatçıların tapıntılarına görə E.coli hüceyrələrində lazım olduğu kimi işləyə bilməz. Bhabha vəziyyəti belə izah edir:



"E.coli hüceyrələrində məhsul kimi yaranan molekulların intensivlik artımı fermentin insandakı versiyasının işini dayandırır."


Wright indi DHFR dinamiklərinə dair tədqiqatlarını dərinləşdirmək, insandakı və digər məməlilərdəki DHFR fermentlərinin təkamül əcdadı olan bakterial ferment formasından fərqliləşməsinə səbəb olan mutasiya ardıcıllıqlarını müəyyən etməyi planlaşdırır. Bu təkamül tarixi tədqiqatı, tədqiqatçılara DHFR fermentindəki təkamül dəyişikliklərinin, fermentin dərmanlara qarşı müqavimətliliyinə necə gətirib çıxardığını anlamağımızı təmin edəcək. İnsandakı DHFR fermentinin dinamikləri ilə bakteriyalar və digər orqanizmlərdəki əleyhdarlarının dinamikləri arasındakı fərqliliyin meydana gəlməsini öyrənmək, tədqiqatçıların hədəf fermentə xas dərmanlar hazırlamasına və daha az yan təsir görülməsinə kömək olacaq.


Qaynaq: ScienceDaily
daha ətraflı...

October 26, 2013

Yeni fotosintez üsulu

Çinli kimyaçılar, Günəş şüası olmadan biolüminesensiya üsuluyla fotosintez edə bilən bir sistem inkişaf etdirdiklərini açıqladılar. Təcrübə məşhur Chemistry World jurnalında onayn dərc edildi.

Fotosintez gün işığı altında karbondioksid və suyun, karbohidratların quruluş daşı olan qlükozaya və oksigen qazına çevrilməsi əməliyyatıdır. Fotosintez hüceyrəli orqanizmlərdən tutmuş bitki növlərinə qədər bir çox canlı növündə edilir. Fotosintez üçün gün işığı və xlorofil piqmentinə ehtiyac duyulur. Prof. Shu Wang'in başçılıq etdiyi çinli kimyaçı elmi-tədqiqatçı qrup, gün işığı olmayan bir mühitdə luminol adı verilən qan ilə reaksiyaya girdikdə, mavi-yaşıl rəngdə işıq saçan bir amin ilə hidrogen peroksidi, horseradish peroxidase fermenti (HRP) katalizatorunda oksidləşdiyində mavi rəngdə işıq yaydığını fərq etdi. Biolüminesensiya adı verilən bu üsul ilə istilik və radiasiya nisbətinin sıfır olduğu bir mühitdə bitki mənşəli həyat formalarının günəş işığında fotosintez edən həyat formalarına görə daha çox sürətli fotosintez etdiyi aydın oldu. Biolüminesensiya ilə edilmiş bir sistem işıq yayan diode (LED) və fluoressensiya lampalara nəzərən çox daha məhsuldar enerji istehsal edir və bitkilərin ehtiyac duyduğu işığı yayır. Beləcə işıq altında bir bitki forması daha çox sürətli və məhsuldar fotosintez reallaşdırır.

Qaynaq: ChemistryWorld
daha ətraflı...

August 28, 2013

Yeni element kəşf edildi

İsveçdə yerləşən Lund Universitetindən olan tədqiqatçılar əvvəllər məlum olmayan bir kimyəvi elementin varlığını təsdiqləyən yeni dəlillər əldə etdilər. Bu yeni və olduqca ağır olan elementə hələ ki ad verilməmişdir.

Lund Universitetindən olan fiziklər tərəfindən aparılan tədqiqatda atom nömrəsi 115 olan və yeni olduğu hesab edilən elementin mövcudluğu təsdiqləndi. Təcrübə Almaniyadakı GSI tədqiqat mərkəzində aparıldı. Çıxan nəticə daha əvvəllər Rusiyadakı tədqiqat qruplarının etdiyi təcrübələri bir daha təsdiqlədi.

Lund Universiteti Fizika bölməsindən olan prof. Dirk Rudolph: 


''Bu çox müvəffəqiyyətli və eyni zamanda yaxın tarixdə bu sahədə edilən ən əhəmiyyətli kəşfdir.''


Yeni kimyəvi elementin müşahidələri xaricində tədqiqatçılar eyni zamanda super-ağır olan atom nüvənin quruluşuna və xüsusiyyətlərinə daha dərin bir dünyagörüşü təqdim edən məlumatlara yiyələnə bildilər.

Bu yeni super-ağır elementə hələ ki ad verilməmişdir. Fizik və kimyaçılar birliyini meydana gətirən üzvlərdən ibarət olan komitə tapılan bu yeni elementin tam təsdiqlənməsi üçün son elmi kəşfləri nəzərdən keçirəcəkdir.

Atom nömrəsi 115 olan bu kimyəvi element üçün dəlillər 27 avqust tarixində The Physical Review Letters adlı elmi jurnalda təqdim edilmişdir.

Qaynaq: LundUniversity
daha ətraflı...

May 4, 2013

Biolüminesensiya: Canlılarda İşıq Saçma Xüsusiyyəti


Biolüminesensiya - canlı bir varlığın müxtəlif kimyəvi yollarla işıq çıxarmasıdır. Biolüminesensiya dəniz onurğalıları və onurğasızlarında, bəzi göbələklərdə, quruda yaşayan onurğasızlarda və bakteriyalarda müşahidə olunur. Bu canlılardan xüsusilə dəniz döşəmələrində yaşayan canlıların 90%-i biolüminesansiya xüsusiyyətinə malikdir və yaydıqları işıq əsasən yaşıl və mavi rənglərdədir. Dəniz canlıları xaricində çox görülməsə də, quruda yaşayan və biolüminesensiya edə bilən tanınmış canlılar İşıldaquşlardır (Coleoptera).

Biolüminesensiya edən canlılar Lusifer (piqment) və lusiferaz (ferment) kimyəvi maddələrini çıxarırlar. Bu kimyəvi maddələrdən Lusifer oksigenlə reaksiyaya girərək işıq çıxararkən, lusiferaz da bu reaksiyada sürətləndirmə vəzifəsini boynuna götürür. Bu reaksiya hüceyrə daxilində də, xaricində də reallaşa bilər. Bakteriyalarda isə biolüminesensiya lux operon deyilən bir operon tərəfindən nəzarət edilir. Bu reaksiya nəticəsində ortaya çıxan işığın 20%-dən azı termal radiasiyaya səbəb olur.

Son aparılan tədqiqatlara görə biolüminesensiya təxmini olaraq 50 fərqli soyda təkamülləşmişdir. Bəzi növlər istehsal etdikləri bu işığı ovunu tutmaq üçün istifadə edirlər, digərləri isə düşmənlərini çaşdırıb yoldan qaçmaq üçün. Hətta bəzi növlər bu işığı kamuflyaj üçün istifadə edir. Bunlardan bir neçəsinə nəzər yetirək.

Cookiecutter köpək balıqları: Biolüminesensiyanı kamuflyaj üçün istifadə edirlər, amma bədənlərinin alt hissələri qaranlıq qalır, beləcə kiçik bir balıq kimi görünür. Digər balıqlar bu növü asan ov hesab edib yaxınlaşdıqlarında isə köpək balığı tərəfindən ələ keçirilirlər. Aşağıda bu canlının şəklinə baxa bilərsiniz:



İşıldaquş: Cütləşmə dövrlərində işıldaquşlar qarın hissələrindən periodik olaraq işıq saçırlar.




Mürəkkəb balıqları: Bəzi mürəkkəb balıqları və xərçəngkimilər biolüminesensial kimyəvi qarışıqları mürəkkəb halında yayırlar.



Bakteriyalar: Bir çox bakteriya növündə ünsiyyət biolüminesensiya üzərində təsir edici rol oynayır. Yüksək hüceyrə sıxlığında kiçik molekullar istifadə edilərək biolüminesensiya genləri aktivləşdirilir.



İnsanlar: Təəccüblü səslənsə də, hər canlı növü bədənlərində meydana gələn kimyəvi reaksiyalar səbəbiylə insanlar da işıq yaymaqdadırlar. Lakin insanlardan fərqli olaraq yuxarıda sadalanan növlər bu xüsusiyyəti təkamül müddəti ərzində inkişaf etdirib aktiv olaraq istifadə etməyə başlamışdırlar. İnsan növü kimi bu xüsusiyyəti aktiv istifadə etməyənlərdə isə biolüminesensiya xüsusi kameralar və ya digər növlərə aid daha həssas gözlərlə müəyyən edilə bilər. PLoS One jurnalında yayımlanan bir məqalədə insanların bədənlərindən yayılan işıqlar təsbit edilmişdir. Tədqiqatçılar, bu işıqlandırmanın insan gözünün qəbul edə biləcəyi işıq dərəcəsindən 1000 dəfə az olduğunu, buna görə adi gözlə ayırd edə bilməyəcəyimizi bildirirlər.



Lakin hər işıq yayan canlının biolüminesensiya etdiyini demək yalnışdır. Bəzi dəniz mərcanları ətrafdan yayılan UV işığını əmərək, fluoressensiya və ya başqa dalğa halına çevirərək yayırlar. Bu, təbii ki biolüminesensiya nümunəsi deyil.

Qaynaqlar:

Nat Geo
Live Science
Guardian
Davidson College
daha ətraflı...

April 8, 2013

Həyatın mənşəyini meydana gətirən molekullar suda birləşdi

DNT-nin daha yaşlı qohumu hesab olunan RNT-nin iki hissəsini bir yerdə tutan əsas cütlər yaşayan hüceyrələrdə molekulyar əlaqəsinin ən əhəmiyyətli nümunələrindən biridir. Elm adamları bu əsas(baza) cütlərinin əvvəldən həyatın parçası olduğuna və RNT-nin həyatın ilk polimerlərindən biri olduğuna əmindir. Amma burada bir problem var. RNT əsaslar polimer onurğayla əlaqəli olmadıqca suda baza cütü öz formasını almır və onlarla ildir həyatın mənşəyi elm insanlarını çaşdırır. Əgər əsaslar polimerlərindən əvvəl uyğunlaşmayıbsa, əsaslar, RNT polimerlərinin meydana gəlməsi üçün "prebiotik şorba"da bir çox molekuldan necə seçildi?

George Universitetinin araşdırmaçıları RNT-nin mənşəyi üçün alternativ nəzəriyyə araşdırır: araşdırmaçılar RNT bazalarının bu gün əlimizdəki bazalardan fərqli molekulların uyğunlaşmasından təkmilləşdiyini düşünür. Bu nəzəriyyə gedərək daha da parlaq görünür. RNT əsaslarına bənzər olan kiçik molekullarla birlikdə suda özbaşına toplanması son dərəcə normaldır. Bu "qabaqcıl-RNT əsaslar" kortəbii olaraq gen uzunluğu qədər xəttli çoxluğun içinə toplanır (fərz edək ki) və həyat genləri qabaqcıl-RNT bazalarından ya da bənzər molekullardan alınmağa başlanır. Bu araşdırmalar, Journal of American Chemical Society'də onlayn nəşr olundu.

Professor Nicholas Hud liderliyində elm adamları komandası tərəfindən edilən bu kəşf suda salxımlanacaq və RNT meydana gətirmə qabiliyyətinə sahib olacaq. Hudun qrupu qabaqcıl-RNT əsasına kiçik kimyəvi quyruq əlavə etdiyində bir şey olduğunu gördü və digər qabaqcıl-RNT əsasıyla birlikdə xəttli toplanmağı meydana gətirməyini müşahidə etdi. Çıxarılmış 18000 nəticə gözəl şəkildə sıralandı. "RNT-nin mənşəyini düşünmək babanın baltası paradoksunu xatırladır." - kimya və biokimya professoru Hud dedi. - "Əgər atanın qolu və sənin başın dəyişsə, bu eyni ox ola bilərmi? Biz eyni yolla RNT gördük. Kimyəvi strukturlar zamanla dəyişmiş ola bilər amma bu davamlı istifadədə idi, beləcə buna bənzər molekul olduğunu görə bilərik."

Hud 4 milyard il əvvəl başlayan prosesdən 100% əmin olduğunu etiraf etdi. Hudun sonrakı məqsədi, qabaqcıl-RNT əsaslarının genetik material olaraq funksiya görə bilən polimer yaratmaq üçün onurğa tərəfindən bağlanıb bağlanamadığını təyin etməkdir. George Tech Barselonada Biomedikal araşdırma üçün institut ilə birlikdə əməkdaşlıq etdi. Qabaqcıl-RNT-nin iki komponenti, öz-özünə salxımlanan sistem triaminopirimidin (TAP) törəmələri, TAPAS və siyanurik turşunu (CA) meydana gətirdi.

Həyatın mənşəyi sualına əsaslı cavab tapmağa əlavə olaraq, Hud özbaşına birləşmə əməliyyatının nanotellər kimi yeni materiallar yaratmaq üçün gələcəkdə istifadə edilə biləcəyini göstərdi. Həmçinin bu layihə Milli Elm Quruluşu (NSF) və NASA tərəfindən də dəstəklənildi.


Qaynaq: ScienceDaily
daha ətraflı...

Həyatın kimyəvi mənşəyini maraqlandıran yeni kəşf

York Universitetindən olan orqanik kimyaçılar həyatın quruluş daşlarını təşkil edən karohidratların mənşəyinin müəyyən olunması istiqamətində əhəmiyyətli irəliləyiş qeyd etdilər.

York Universitetinin kimyaçısı Prof. Paul Clarke başçılığında qrup prebiotik dünyada meydana gələ bilən müddəti yenidən yaratdı.

Nottingham Universitetində həmkarları ilə birlikdə işləyərək sıravi şəkərlərin - treoz və eritroz - necə inkişaf etdiyini göstərən istiqamətdə ilk addımı atdılar. Bu araşdırma Organic & Biomolecular Chemistry'də nəşr olundu.

Bütün bioloji molekullar sağ əl formu ya da sol əl formu olaraq əldə edilə bilərlər. Biologiyada bütün şəkərlər molekulların sağ əl formunu təşkil edir və hətta bütün amin turşuları peptid və zülalların sol əl formunu təşkil edir.

Araşdırmaçılar əksəriyyətlə sağ əl formunun istehsalı ilə nəticələnən şəkərlərin meydana gəlməsini katalin etmək üçün sadə sol əlli amin turşularını istifadə etdilər. Bu karbohidratların necə meydana gəldiyini və təbiətdə sağ əl formunu nə üçün dominə etdiyini açıqlaya bilər.

Prof. Clarke:



"Həyatın mənşəyi haqqında bir çox təməl suallar var. Bu əslində biologiyaya aid edilməlidir, lakin həyat üçün təkmilləşən cansızların yalnız canlı halına gəldiyindən sonra. O nöqtəyə qədər hər şeyin kimya olduğuna elmdə şübhə edilmir. Həyatın kimyəvi mənşəyini anlamağa çalışdıq. Maraqlı suallardan biri karbohidratların haradan gəldiyidir, çünki karbohidratlar DNT və RNT-nin quruluş daşlarıdır. Sadə şəkərlərin -treoz və eritroz- necə meydana gəldiyini göstərmək üçün yolun ilk addımını biz atdıq. Bir çox elm adamının həyat başladığında ətrafda olduğuna əmin olduğu materialların çox sadə dəstindən bu şəkərləri yaratmağa nail olduq."



Qaynaq: ScienceDaily
daha ətraflı...
 
Copyright © 2014 Həyatın Təkamülü • All Rights Reserved.
Distributed By MyBloggerThemes | Design By Templateure
back to top