The Journal of Fossil jurnalında online olaraq nəşr olunan tədqiqatda Kasablanka yaxınlığında "Kortes" adlı bir mağarada 90 min il əvvəl yaşamış bir Neandertal adamının diqqətlə bir məzar qazılaraq basdırıldığı yazılmışdır. Tapılan Neandertal adamının təxmini 40 yaşlarında bir kişi olduğu aydın oldu. Həmçinin məzarın içində kişi Neandertalın əl baltası da tapılmışdır. Bu onun qəbiləsində məşhur bir kişi olduğuna dair məlumatlar verə bilər. Skelet üzərində aparılacaq yarılma işləri nəticəsində ölümünün səbəbi daha dəqiq olaraq bildiriləcək. Lakin elm adamlarını bu fosildə əsl həyəcanlandıran hadisə
Neandertalların 90 min il əvvəl ölülərini basdırdıqlarıdır.
Tədqiqatda İspaniyanın "Juan Carlos Universiteti"ndən və Madrid universitetlərindən 12 elm adamı qrup şəklində vəzifə almışdır. Bu tədqiqat qrupuna liderlik edən "Juan Carlos Universiteti"ndə Antropologiya sahəsində işləyən prof. Joseph Rodrigez fosil jurnalına verdiyi açıqlamalarda bunları bildirdi:
"Kasablankada Neandertal adamlarının 90 min il əvvəl yaşadığını daha əvvəlki qalıqlardan bilirdik. Amma bu kəşfin bizim üçün xüsusi bir yeri var. Neandertalların 80-90 min il əvvəl ölülərini basdırdıqlarını da bilirdik. Lakin əlimizdə yetərli dəlil olmadığı üçün bunu təsdiqləyə bilmirdik. Bu məzar sayəsində artıq rahatlıqla 90 min il əvvəl Neandertalların ölüləri basdırdıqlarını bildirəcəyik. Bu hadisə həmçinin insanların təkamülündə əhəmiyyətli bir davranış formasıdır."
İlkin və hələ ki tam təsdiqlənməmiş versiyaya görə Neandertal adamının ölüm səbəbi kimi güclü zərbə aldığı bildirilir.
Qaynaq: URJC
Əlaqədar elmi məqalə: Joseph Rodriguez, Elena Rodriguez "90 thousand years ago, buried in the tomb of Neanderthal man ", The Journal of Fossil 248(70-71) doi:10.2037/
0 şərh var:
Post a Comment